Sumqayıtda hava

Cəmiyyət

Sumqayıtda “Atəş hazırlığı”

Sumqayıtda şagirdlərə hərbi vətənpərvərlik hissinin aşılanması məqsədilə Həzi Aslanov adına 22 nömrəli tam orta məktəbdə gənclərin çağırışaqədərki hərbi hazırlıq fənnindən “Atəş hazırlığı” mövzusunda açıq dərs keçirilib.

Tədbirdə Təhsil Nazirliyi, şəhər icra hakimiyyəti, Təhsil Problemləri İnstitutu, Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər şöbəsinin nümayəndələri, Qarabağ müharibəsi əlilləri, veteranlar, şəhər məktəblərinin direktorları iştirak ediblər.

Dərsin əyani hissəsində atəş hazırlığı dərsinin əsas əhəmiyyəti haqqında məlumat verilib. Qeyd edilib ki, bu dərs şagirdlərə pnevmatik silahlar və Kalaşnikov avtomatı vasitəsilə öyrədilir. Burada əsasən avtomatik silahların iş prinsipi, hissə və mexanizmlərin işi, eləcə də atəş qaydaları izah edilib. Bildirilib ki, atəş hazırlığı dərsi 4 təlim nöqtəsindən ibarətdir.

Birinci təlim nöqtəsində avtomatın hissə və mexanizmləri, ikinci təlim nöqtəsində avtomatın natamam sökülüb-yığılması və darağın doldurulub boşaldılması, üçüncüdə atəş, dördüncü təlim nöqtəsində isə pnevmatik silahlardan praktik atəş tapşırığının yerinə yetirilməsi öyrədilib.
Sonra qiymətləndirmə aparılıb, manqaların fəallığı və 3 mərmidən neçəsinin hədəfə dəyməsi barədə şagirdlərə məlumat verilib.

Dərs şagirdlərin suallarının cavablandırılması ilə yekunlaşıb.

(AzərTAc)





Ən son və doğru xəbərlər

Xəbər lenti

Təqvim

«    Avqust 2019    »
BeÇaÇCaCŞB
 1234
567891011
12131415161718
19202122232425
262728293031 

KATEQORIYALAR