Sumqayıtda hava

İqtisadiyyat

Bu gündən metro kartları dəyişir

Bu gündən Bakıda metro və abtobuslar vahid ödəniş kartının tədbiqinə başlayır. Metro stansiyalarına daxil olmaq üçün vahid ödəniş kartı kimi "BakıKart" və "BakıKart Məhdud istifadə üçün" kartlarından istifadə ediləcək.
Artıq stansiyalarda terminalların yanında dayanan dispetçerlər köhnə kartlara gediş haqqı yükləmək istəyənlərə xəbərdarlıq edirlər.
"MetroKart"lar terminallara qoyulmaqla və heç bir ödəniş edilmir. Kartın girov qiyməti olan 2 manat avtomatik olaraq balansa yüklənir. Bu məbləğdən istifadə başa çatdıqda isə kartdan istifadə dayanır. Sərnişinlər yenidən ödəniş etməklə "Bakı Kart" almalıdırlar.
Avqustun 15-dən isə köhnə metro kartlarının alışı və onlara balans yüklənməsi ümumiyyətlə dayandırılacaq. Ümumilikdə bu kartların istifadəsi isə sentyabrın 30-dək yekunlaşdırılacaq.

Kartları bütün stansiyaların vestibüllərində və "BakuBUS" MMC-yə məxsus marşrutların dayanacaqlarında quraşdırılmış terminallardan almaq mümkün olacaq. 
Plastik kartın qiyməti 2 manatdır, 1 gediş haqqı 20 qəpikdir. Bu kart nəqiyyat vasitələrinin daimi istifadəçiləri üçün nəzərdə tutulub. Balansı bütün terminallardan artırmaq mümkündür.
Yeni kartlarla ödəniş terminalları da dəyişir.
"BakıKart Məhdud istifadə üçün" kartının qiyməti isə 20 qəpikdir. Alındığı zaman yalnız 4 gediş yükləmək mümkündür. Bu, şəhərin qonaqları, nəqliyyat vasitələrindən daimi istifadə etməyənlər üçün nəzərdə tutulub.
Xatırladaq ki, "Metrokart"dan 2 şəkildə gediş haqqı olaraq istifadə oluna bilər: 
1."Metrokart"ın girov dəyəri "Metrokart"a gediş haqqı olaraq yüklənir. "Metrokart"ın balansı sıfır olduqda atılır və yeni "Bakıkart" alınaraq istifadə olunur. 
2."Metrokart"ın girov dəyəri və balansında olan məbləğ "BakıKart"a köçürülərək istifadə edilir.
"Metrokart"ın girov dəyəri və balansında olan məbləğ "BakıKart"a köçürmək istəyən sərnişinlər yeni terminal vasitəsilə "Bakıkart"ı alıb istifadədə olan "Metrokart"ı ilə birlikdə stansiyanın xəzinədarına təqdim etməlidir. Bir ədəd "Metrokart"ın girov dəyərini və ona yüklənmiş məbləği yalnız bir ədəd "Bakıkart"a transfer etmək mümkündür.

ANS PRESS





Xəbər lenti

Təqvim

«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930 

KATEQORIYALAR