Sumqayıtda hava

Cəmiyyət

SDU-da Beynəlxalq Müəllimlər günü qeyd edilib

SDU-da Beynəlxalq Müəllimlər günü qeyd edilib



Oktyabrın 5-də Sumqayıt Dövlət Universitetində "Beynəlxalq Müəllimlər günü” münasibəti ilə tədbir keçirilib.

"Beynəlxalq Müəllimlər Günü” münasibətilə xoş arzularını çatdıran universitetin rektoru, professor Elxan Hüseynov cəmiyyətin formalaşmasında fədakarlıqla çalışan müəllimlərimizin peşə bayramının ənənəvi olaraq hər il ölkəmizdə təntənə ilə qeyd edildiyini bildirdi. 5 oktyabrın Beynəlxalq Müəllimlər Günü kimi qeyd edilməsinə dair qərar ilk dəfə 1966-cı il oktyabrın 5-də YUNESKO tərəfindən verilib. Sevindirici haldır ki, Azərbaycanda Müəllimlər Günü isə 1993-cü ildən etibarən keçirilir. Hazırda dünyanın 100-dən çox ölkəsində bu tarix Müəllimlər günü kimi anılır.

E.Hüseynov nəzərə çatdırıb ki, bu gün dövlət tərəfindən təhsil işçilərinə göstərilən münasibət müəllimlərin yaradıcılıq imkanlarını genişləndirir. İndi respublikamızda öz elmi-nəzəri biliyi, pedaqoji ustalığı, metodiki hazırlığı, ictimaiyyət içərisində dərin nüfuzu ilə seçilən yüzlərlə qabaqcıl müəllim işləyir. Hal-hazırda universitetimizdə müəllim adını şərəflə daşıyan öz peşəsinin vurğunu olan, hər bir tələbənin qəlbində özünə əbədi abidə ucaldan, əsl vətəndaş və şəxsiyyət yetişdirən bacarıqlı və səriştəli müəllimlərimiz yetərli qədərdir.
Universitetin ictimai həyatında yüksək fəallıq göstərdiklərinə, uzun müddətli elmi-pedaqoji fəaliyyətlərinə və təhsilin inkişafındakı xidmətlərinə görə bir qrup müəllim fəxri fərman və qiymətli hədiyyələrlə təltif olunub.
Tədbir incəsənət xadimlərinin rəngarəng ifaları ilə davam etdirildi.


SDU-nun Mətbuat Xidməti






Ən son və doğru xəbərlər

Xəbər lenti

Təqvim

«    Fevral 2019    »
BeÇaÇCaCŞB
 123
45678910
11121314151617
18192021222324
25262728 

KATEQORIYALAR