Sumqayıtda hava

Dünya

Sumqayıtın erməni cəlladı Qriqoryan tapıldı

Azərbaycanın hüquq-mühafizə orqanları 1988-ci il Sumqayıt hadisələrinin əsas təşkilatçısı Eduard Qriqoryanın yerini müəyyən ediblər. ANS PRESS-in məlumatına görə, erməni cəlladı Moskva ətrafı Serqievo-Posadski rayonunda yaşayır. Keçmiş SSRİ-nin Dövlət Təhlükəsizlik komitəsi və Prokurorluğu 1988-ci il 26-29 fevral Sumqayıt hadisələrinin araşdırmasını apararkən bu hadisələrin həqiqi təşkilatçısının ermənilərin özlərinin olması barədə çoxsaylı faktlar aşkar edib. Danılmaz və inandırıcı sübutlar ermənilərin bu hadisələri təşkil etdiyini təsdiq edir. Ancaq artıq 28 ildir ki, Ermənistan Sumqayıt hadisələrinin şəxsi "izahını" aparır.

İstintaq materiallarında Sumqayıt hadisələrinin əsas təşkilatçısı kimi 1959-cu il təvəllüdlü Eduard Robertoviç Qriqoryan göstərilib. Bu, çoxsaylı şahid ifadələri və sübutlarla təsdiq edilib. İstintaq aşkar edib ki, 26 qurbandan altısı şəxsən Qriqoryan tərəfindən öldürülüb. Bundan başqa, istintaqın gedişatında təşkilatçılar arasında Qriqoryanın qohumları Oqanyan, Samoylova və Pavlovski soyadları üzə çıxıb.

İstintaq materiallarından aydın olur ki, daha əvvəl üç dəfə mühakimə edilən və 9 il 2 ay 13 gün həbsxana həyatı keçirən Eduard camaatın əsas təhrikçisi olub - bununla o insanları, əsasən həddi-büluğa çatmamış şəxsləri və müxtəlif kriminal elementlərdən təşkil edilmiş qruplaşmaları "Qarabağ" və "Krunk" separatçı cəmiyyətinə pul ödəməkdən imtina etmiş ermənilərin yaşadığı ünvanlar üzrə istiqamətləndirib.

Qriqoryan Sumqayıt hadisələri zamanı təsadüfən saxlanılıb. O, şahid qismində çağırılsa da erməni ailəsi - Marina və Karina Mejlumanyan bacıları və onların anası Roza Mejlumanyan tərəfindən tanınıb. "Cinayətkar, soyuqqanlı qatil və iyrənc manyak" – hadisələri araşdırmağa gələn Moskva müstəntiqlərindən biri onu məhz belə xarakterizə edib. Altı nəfəri qətlə yetirməsinə baxmayaraq Qriqoryan ermənilər və onların himayədarlarının təzyiqi nəticəsində SSRİ məhkəməsi tərəfindən yalnız 12 il həbs cəzası alıb və daha sonra cəzanın çəkilməsi üçün Ermənistana göndərilib. Bir neçə il sonra azad edilib.

Çoxsaylı şahid ifadələri əsasında istintaq müəyyən edib ki, E.Qriqoryan və onun qardaşları Sumqayıt hadisələri ərəfəsində Dağlıq Qarabağda erməni emissarlarıyla sıx əlaqəli olublar. Onlarda erməni separatizmini dəstəkləməyən və onların fondlarına pul keçirməkdən imtina edən ermənilərin ünvanlarının siyahısı olub. 27 fevralda E.Qriqoryan və onun dəstəsi Ermənistanda Azərbaycan əhalisinə qarşı zorakılığa qarşı etiraz mitinqi keçirilən meydana gələrək özlərini "Qafandan qovulan azərbaycanlılar" kimi təqdim ediblər.

Qriqoryan meydanda çıxış edərək Qafanda ermənilərin Azərbaycan əhalisini kütləvi şəkildə qırdığını və yerli camaatı ermənilərdən qisas almağa çağırıb. O qışqırıb:

"Məndə ermənilərin ünvanlarının siyahısı var, mən bilirəm, hara getmək lazımdır".

Daha sonra o, 100-ə yaxın insandan ibarət olan dəstəsiylə talanlar və soyğunlar törətmək üçün ermənilərin ünvanları üzrə yollanıb. Amma SSRİ Prokurorluğu istintaq qrupu bütün materiallar və faktları gizlədib. Onlar qarışıqlıqların həqiqi təşkilatçılarını ifşa etməmək üçün əllərindən gələni edib. Bundan başqa, Sumqayıt hadisələri zamanı saxlanmış erməni soyadlı bütün şəxslər zərər çəkmiş kimi tanınıb və azadlığa buraxılıb. Buna görə də böyük sayda günahkar cəzadan qaçıb.

Azərbaycanın hüquq-mühafizə orqanları rusiyalı həmkarlarına dəfələrlə müraciət edib, sorğular göndərib, Eduard Qriqoryanın layiq olunmuş cəzadan çəkinərək Serqievo-Posadski rayonunda gizlənməsi barədə yazsa da indiyə qədər cavab almayıb. Bəşəriyyətə qarşı cinayətlər etmiş əlləri günahsız insanların qanına batan cani paytaxt yaxınlığında yaşamağa davam edir.

"Yenisumqayit.az"

Sumqayıtın erməni cəlladı Qriqoryan tapıldı

Sumqayıtın erməni cəlladı Qriqoryan tapıldı

Sumqayıtın erməni cəlladı Qriqoryan tapıldı

 





Ən son və doğru xəbərlər

Xəbər lenti

Təqvim

«    İyul 2017    »
BeÇaÇCaCŞB
 12
3456789
10111213141516
17181920212223
24252627282930
31 

KATEQORIYALAR