Sumqayıtda hava

Faydalı

ORUC haqqında qısa məlumat - RAMAZANA ÖZƏL

ORUC haqqında qısa məlumat - RAMAZANA ÖZƏL

Hər il Hicri-Qəməri təqviminin 9-cu ayı - Ramazan ayında müsəlmanlar Ramazan Orucu tutarlar. Ramazan ayı İslamda ən sevilən və müqəddəs aylardan biri sayılır, çünki bu ayda Uca Allahın müqəddəs kitabı Qurani-Kərim Məhəmməd peyğəmbərə (s.a.s.) Cəbrayıl (ə) vasitəsilə bütün insanlara çatdırılması əmrilə nazil olub.

Ramazan ayında Oruc tutmaq İslamın 5 əsas şərtlərindən biridir. Orucun mənası və dəyəri olduqca böyükdür. İnsanlar üçün bu, Allah Təala tərəfindən öz günahlarına görə bağışlanmaq, tövbə etmək üçün Rəbbimizin verdiyi böyük fürsətdir. Uca Allah buyurur ki, "Orucu mənim üçün tutursunuz və mükafatını mən verəcəyəm”.

Qafqaz Müsəlmanları İdarəsi Ramazan ayında Oruc tutmaqla bağlı bəzi qaydalara aydınlıq gətirir.

Orucu niyyət edərək başlamaq vacibdir. Bu, çox sadə bir cümlə ilə edilir:"Ramazan ayının orucunu tuturam, qürbətən iləllah!” Bu niyyət Ramazan ərəfəsində, bu ayın 1-i üçün müəyyən edilmiş sübh azanından gec olmamaq şərtilə edilir.

Bundan sonra Ramazan ayı boyunca hər gün Sübh azanından başlayaraq Məğrib azanınadək oruc tutulmalıdır. Adətən ehtiyat olaraq imsak vaxtı Sübh azanından 15-20 dəqiqə əvvəl müəyyən olunur. Biz də təqdim etdiyimiz cədvəldə imsak vaxtını Sübh azanından 15 dəqiqə əvvəl göstərdik. İmsak vaxtı gəlmədən sahura qalxaraq qida və maye qəbul etmək həm məsləhət, həm də müstəhəbdir. Bununla siz həm Ramazan orucu üçün həyat tərzinizi dəyişdirdiyinizi nümayiş etdirir, həm də orqanizminizi gün ərzində tutacağınız oruca hazırlayırsınız. Oruc tutmaq niyyətilə sahura qalxaraq yemək yeyən kəs həmin bu əməli ilə felən niyyət tutmuş olur.

Oruc Sübh azanından Məğrib azanınadək yeməkdən, içməkdən və cinsi əlaqədən imtina etməkdir. Bunlardan başqa bir neçə məqama diqqət yetirməklə həyat və məişətinizi oruc vaxtı adi qaydada davam etdirə bilərsiniz.

Gün batandan bir qədər sonra Məğrib azanı vaxtı gəlir. Bu andan etibarən İftar vaxtı başlayır. İftarınızı dua edərək, ardından da qida və maye qəbul edərək açırsınız. Duanı belə edə bilərsiniz:

"Allahım, Sənin üçün oruc tutdum. Sənin verdiyin ruzi ilə iftarımı açıram və Sənə təvəkkül edirəm. Orucumu qəbul et! Sən həqiqətən duaları eşidən, hər şeyi bilənsən. Günahlarımı bağışla, ey mərhəmətlilərin ən mərhəmətlisi!”

Həqiqətən, Ramazan ayı mərhəmət ayıdır. Bu ay ərzində Allah oruc tutanların günahlarından keçər, onlara rəhm edər. Oruc tutanlar isə, Allahın əməlini təqlid edərək bir-birinə mərhəmət etməli, bir-birini bağışlamalı, ədavətə, kinə, aralarındakı incikliyə son qoymalı, əfv diləməli, bir-biri ilə barışmalıdırlar. Bu müqəddəs ay ərzində əsəbiləşməmək, başqasını incitməkdən, bəddua, qarğış etməkdən və küfürdən, söyüşdən uzaq durmaq, həmişəkindən daha çox təvazökar olmaq üçün xüsusi səy göstərməlidir.

Allah Təala ibadətinizi, orucunuzu, bütün saleh əməllərinizi qəbul etsin! Amin!

"Yenisumqayit.az"





Ən son və doğru xəbərlər

Xəbər lenti

Təqvim

«    Yanvar 2017    »
BeÇaÇCaCŞB
 1
2345678
9101112131415
16171819202122
23242526272829
3031 

KATEQORIYALAR