Sumqayıtda hava

Manşet, Cəmiyyət

ADNSU rektoru Sumqayıtda olub - FOTOLAR

ADNSU rektoru Sumqayıtda olub - FOTOLAR

ADNSU rektoru Sumqayıtda olub - FOTOLAR

ADNSU rektoru Sumqayıtda olub - FOTOLAR

ADNSU rektoru Sumqayıtda olub - FOTOLAR

"Azərikimya" İB-də Azərbaycan Dövlət Neft və Sənaye Universitetinin rektoru, texnika elmləri doktoru, professor Mustafa Babanlı ilə görüş keçirilib.

Tədbiri giriş sözü ilə açan Birliyin Müşahidə Şurasının sədri, Milli Məclisin deputatı Muxtar Babayev qonaqları səmimi salamlayaraq növbəti dəfə təşrif buyurduqlarına görə ADNSU-nun rəhbərliyinə minnətdarlığını bildirib. M.Babayev "Azərikimya" İB-də həyata keçirilən yenidənqurma və modernizasiya işləri, perspektiv layihələr haqqında məlumat verib, kadr hazırlığı məsələləri, respublikamızın aparıcı ali təhsil ocaqları ilə qurulan əlaqələr və bu qarşılıqlı faydalı əməkdaşlığın ali təhsil ocaqlarına, kimya sənayesinə, ümumilikdə isə respublikamıza verəcəyi töhfələrdən geniş söhbət açıb.

Görüşdə neft-kimya sənayesi üçün kadrlar hazırlayan ali təhsil müəssisələri ilə sıx əlaqələrin qurulması, tələbələrin "Azərikimya” İB-nin müəssisələridə yay istehsalat təcrübəsi keçmələri üçün yaradılmış əlverişli şərait və son 5 ildə bunun artıq ənənə halını alması ön plana çəkilib.

Qeyd edək ki, hazırda "Azərikimya" İB-nin istehsalatlarında yay istehsalat təcrübəsi keçən 100-dən artıq tələbədən 65-i ADNSU tələbələridir. Bu tələbələr 2 iş həftəsi ərzində Birliyin Etilen-polietilen zavodunun Buxar-generator kompleksi, Susoyutma qurğusu, Azot-oksigen kompleksi, Etilen və Polietilen istehsalatında kimya sənayesi və seçdikləri ixtisasların tətbiq olunduğu sahələr üzrə təcrübi biliklərini artıracaq, nəzəri biliklərini təcrübədə daha da zənginləşdirəcəklər.

ADNSU-da həyata keçirilən islahatlar haqqında geniş məlumat verən rektor Mustafa Babanlı səmimi qəbula və tələbələrə göstərilən diqqət və qayğıya görə "Azərikimya"nın rəhbərliyinə minnətdarlığını ifadə edib.

Görüşdən sonra ADNSU nümayəndələrinin Etilen-polietilen zavoduna ekskursiyası təşkil olunub. Zavodun istehsalat sahələri ilə yaxından tanış olan qonaqlar, həmçinin istehsalat təcrübəsində olan tələbələrlə görüşüb, onların ilkin təəssüratlarını dinləyib və geniş fikir mübadiləsi aparıblar.

"Yenisumqayit.az"





Ən son və doğru xəbərlər

Xəbər lenti

Təqvim

«    Mart 2017    »
BeÇaÇCaCŞB
 12345
6789101112
13141516171819
20212223242526
2728293031 

KATEQORIYALAR