Sumqayıtda hava

Dünya

Türkiyədə təhsil alan Azərbaycanlı gənclər beynəlxalq simpoziumda

Türkiyədə təhsil alan Azərbaycanlı gənclər beynəlxalq simpoziumda

Radio və Televizya Şurası və Səlcuq Universitetinin əməkdaşlığı ilə təşkil edilmiş beynəlxalq sımpoziyumda 30 ölkədən, 74 şəhərdən ümumilikdə 100 nəfər tədqiqatçı qatılıb. İştirakçılardan 95-i Türkiyə daxilində müxtəlif Universitetlərdə təhsil alan xarici tələbələr, 5 nəfər isə ölkə xaricindən iştiraka haqq qazanmış gənç tədqiqatçılar olub.

VIII Gələcəklə Əlaqə Programı daxilində Konyada həyata keçirilən "Beynəlxalq Vüslət Simpoziumu” iştirakçıları arasında Azərbaycanlı tələbələr də fəal iştirak ediblər.

Süleyman Dəmirəl Mədəniyyət Məkəzində təşkil edilən Simpoziumda Radio-Televizya Şurası Başçısı Prof.Dr İlhan Yerlikaya, Konya valisi Yaqub Canbolat, Konya Böyükşəhər Bələdiyyə Başçısı Tahir Akyürek, Səlcuq Universiteti Rektoru Prof.Dr. Mustafa Şahin, Konya Polis Təşkilatı Müdiri Şükrü Yaman, media nümayəndələri, alimlər və tələbələr iştirak ediblər.

19-22 yanvarda həyata keçirilən proqramda bakalavr, magistatura, doktorantura pillələrində təhsil alan Azərbaycanlı gənc tədqiqatçılar Konya şəhəri və günümüz mediası ilə bağlı müxtəlif istiqamətlərdə məruzələrlə çıxış ediblər. Tədqiqatçıların akademik fəaliyyətləri simpozium iştirakçılarının marağına səbəb olub.

Simpoziumun ikinci günü Azəbaycanlı tələbələr "20 Yanvar” hadisələri ilə bağlı simpozium iştirakçılarına məlumat veriblər. Gənc tədqiqatçı Albina Rzayeva Azərbaycanlı tələbələr adından çıxışında 1918-ci ildə Azərbaycanlı qardaşlarına dəstək üçün yola çıxan Qafqaz İslam ordusunun yolu ilə 2018-ci ildə Gələcəklə Əlaqə Programı çərçivəsində iştirakçıların getməsi təklifini edib.

4 gün davam edən simpozium çərçivəsində iştirakçılar Konyanın maddi-mənəvi zəngin mədəniyyəti ilə yaxından tanış olub, həmçinin Şəki bələdiyyəsi ilə qardaş bələdiyyə olan Məram bələdiyyəsi başçısı Fatma Toru xanımla görüşərək bələdiyyənin fəaliyyəti ilə bağlı ətraflı məlumat alıblar.





Ən son və doğru xəbərlər

Xəbər lenti

Təqvim

«    Dekabr 2017    »
BeÇaÇCaCŞB
 123
45678910
11121314151617
18192021222324
25262728293031

KATEQORIYALAR