Sumqayıtda hava

Cəmiyyət

Bakı Mühəndislik Universitetində YAP-ın ərazi ilk partiya təşkilatı təsis edildi

Bakı Mühəndislik Universitetində YAP-ın ərazi ilk partiya təşkilatı təsis edildi

Bakı Mühəndislik Universitetində YAP-ın ərazi ilk partiya təşkilatı təsis edildi

Bakı Mühəndislik Universitetində YAP-ın ərazi ilk partiya təşkilatı təsis edildi

Yeni Azərbaycan Partiyası Bakı Mühəndislik Universitetində ərazi ilk partiya təşkilatının təsis konfransı keçirilib. Universitetdən "Yenisumqayit.az"a bildirilib ki, konfransda universitet rəhbərliyi, müəllim - tələbə heyəti ilə yanaşı Abşeron IH başçısının müavini Fuad Cəbrayılov, YAP Abşeron rayon təşkilatının sədri Bilman Vəliyev və Respublika YAP Gənclər Birliyinin sədri Seymur Orucov iştirak edib.

Konfransı açıq elan edən universitetin rektoru, professor Havar Məmmədov YAP-ın Ümummilli Liderimiz Heydər Əliyevin rəhbərliyi ilə ziyalılar tərəfindən qurulduğunu, məqsədinin xalqımıza, dövlətimizə xidmət etmək olduğunu vurğulayıb. Rektor qeyd edib ki, BMU yeni yaranmış universitetdir və burada təsis edilən ərazi ilk partiya təşkilatına kollektivdən 200 nəfərdən çox könüllü olaraq üzvlük üçün müraciət edilib.

Professor Əjdər Ağayev, iqtisadiyyat və idarəetmə fakültəsinin dekanı Yaşar Etibarlı, müəllimlər Xanlar Heydərov və Turac Məmmədova YAP-ın dövlət müstəqilliyimizin möhkəmlənməsində, ölkəmizin inkişafında olan xidmətindən danışaraq qeyd ediblər ki, əməlimizlə yeni yaradılan təşkilatın layiqli inkişafı üçün çalışacağıq.

YAP Gənclər Birliyinin sədri Seymur Orucov bu günü tarixi bir gün adlandırıb. Partiyanın Azərbaycan cəmiyyətinə verdiyi töhvələrdən danışaraq qeyd edib ki, YAP Azərbaycan cəmiyyətinə siyasi mədəniyyət və demokratiya gətirib. YAP Gənclər birliyi olaraq BMU ilə əlaqələrin inkişafında maraqlı olduqlarını, birlikdə layihələr həyata keçirə biləcəklərini qeyd edib.

YAP Abşeron rayon təşkilatının sədri Bilman Vəliyev ötən əsrin 80-ci illərin sonlarında baş verən hadisələrdən və 90-cı illərin əvvəllərində hakimiyyətə gələn səriştəsiz insanların ölkəmizə vurduğu ziyandan danışıb. YAP-ın yaranmasına və hakimiyyətə gəlməsinə diqqət çəkən natiq qeyd edib ki, bu yol heç də asan olmayıb. Xalqımızın təkidi və tələbi ilə hakimiyyətə gətirilən YAP şərəflə dövlətimizə və xalqımıza xidmət etməkdədir.

Sonda YAP Bakı Mühəndislik Universitetində ərazi ilk partiya təşkilatı təsis edilib və idarə heyətinə 9 nəfər üzv seçilib. Üzvlər arasından universitetin Humanitar və Sosial məsələlər üzrə prorektoru Bayram Hüseynzadə təşkilatın sədri seçilib.

"Yenisumqayit.az"





Ən son və doğru xəbərlər

Xəbər lenti

Təqvim

«    Noyabr 2017    »
BeÇaÇCaCŞB
 12345
6789101112
13141516171819
20212223242526
27282930 

KATEQORIYALAR