Sumqayıtda hava

Dünya

Türk ordusu Suriyaya daxil oldu (FOTOLAR)

Türk ordusu Suriyaya daxil oldu (FOTOLAR)


Türkiyə, Suriyanın Hələb şəhəri ərazisində Karakozak kəndindəki Süleyman Şah türbəsində xidmət edən əsgərlərinin təhliyyəsi üçün əməliyyat keçirib.

APA-nın xəbərinə görə, Türkiyə Silahlı Qüvvələrinin keçirdiyi əməliyyat nəticəsində Süleyman şahın nəşinin qalıqları və "Süleyman Şah" Fəxri Mühafizə Alayının əsgərləri Türkiyəyə gətirilib.

Məlumatda qeyd olunub ki, Süleyman Şahın cəsədinin qalıqları Suriyanın Türkiyə ilə sərhədinə 200 metr məsafədə olan Eşme bölgəsində mühafizə ediləcək.

Ötən gecə Türkiyə əsgərləri Suriyanın Eşme bölgəsini nəzarət altına alıb və həmin ərazidə Türkiyə bayrağını qaldırıblar.

Türkiyənin baş naziri Əhməd Davudoğlu deyib ki, "türbədən götürülmüş mənəvi əmanət dini törənlə bir neçə günlük Türkiyədə mühafizə ediləcək". Daha sonra isə Süleyman Şahın nəşinin qalıqları Suriyanın Eşme bölgəsində türk əsgərlərinin nəzarətində olan ərazidə dəfn ediləcək.

Türkiyə prezidenti Rəcəb Tayyip Ərdoğan da əməliyyatı izlədiyini bildirib.

O, yaydığı yazılı açıqlamada daha öncə də iki dəfə Süleyman Şah Türbəsinin və Fəxri Mühafizə Alayının yerinin dəyişdirildiyini qeyd edib:
"Süleyman Şah Türbəsi və Fəxri Mühafizə Alayı yenə beynəlxalq hüquq və razılaşmalar çərçivəsində yeni məkana köçürüləcək, orda bayrağımızı dalğalandırmağa və əcdadımızın xatirəsini yaşatmağa davam edəcəyik."

Türkiyə prezidenti qeyd edib ki, əməliyyatı keçirməkdə məqsəd Süleyman Şah Türbəsini Suriya ərazisində daha təhlükəsiz bir yerə nəql etmək olub. O bildirib ki, əməliyyat uğurla başa çatıb. Əməliyyat zamanı heç bir silahlı qarşıdurma olmayıb, bir əsgər qəza nəticəsində şəhid olub.

Türk ordusu Suriyaya daxil oldu (FOTOLAR)





Ən son və doğru xəbərlər

Xəbər lenti

Təqvim

«    Avqust 2017    »
BeÇaÇCaCŞB
 123456
78910111213
14151617181920
21222324252627
28293031 

KATEQORIYALAR