Sumqayıtda hava

Cəmiyyət

YAP Abşeron rayon təşkilatı Gənclər Birliyinin konfransı keçirilib

YAP Abşeron rayon təşkilatı Gənclər Birliyinin konfransı keçirilib


Fevralın 27-də Yeni Azərbaycan Partiyası Abşeron rayon təşkilatı Gənclər Birliyinin IV konfransı keçirilib. Konfransda Təşkilatın sədri Bilman Vəliyev, YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə, Abşeron rayon İH başçısının birinci müavini İradə Gülməmmədova iştirak ediblər.

Tədbiri giriş sözü ilə açan Bilman Vəliyev Prezident İlham Əliyevin rəhbərliyi ilə ölkəmizdə gedən sürətli quruculuq-abadlıq işlərindən, daxili və xarici siyasət sahəsində qazanılmış uğurlardan, Azərbaycan gənclərinin sağlam ruhda böyüməsi və layiqli vətəndaşlar kimi yetişməsi üçün ötən illər ərzində ölkə rəhbərliyi tərəfindən həyata keçirilən ardıcıl və sistemli tədbirlərdən danışıb.

YAP Abşeron rayon təşkilatı Gənclər Birliyinin sədri Elgün Hümbətov ötən konfransdan keçən müddət ərzində YAP Abşeron rayon təşkilatı Gənclər Birliyinin gördüyü işlər barədə məlumat verib.

Konfransda YAP Abşeron rayon təşkilatı GB-nin üzvləri Fərid Dilavərov və Rəşad Baxışəliyev çıxış edərək, əmin olduqlarını bildiriblər ki, konfrans Gənclər Birliyinin işini daha səmərəli qurmağa və daha böyük nailiyyətlər qazanmağa şərait yaradacaq.

Sonra Vüqar Rəhimzadə çıxış edərək bildirib ki, YAP cəmiyyətimizin ən güclü siyasi təşkilatı kimi ölkəmizdəki ictimai-siyasi proseslərin həmişə mərkəzində olub.

O, vurğulayıb ki, bu gün Ümummilli lider Heydər Əliyev siyasətini uğurla davam və inkişaf etdirən ölkə Prezidenti, partiyamızın Sədri İlham Əliyevin gənclərə olan diqqət və qayğısı hər birimizin ürəyincədir. Azərbaycan gəncliyi bu diqqət və qayğını yüksək dəyərləndirir, öz məsuliyyətini dərk edir və Prezidentin müəyyənləşdirdiyi strateji vəzifələrin uğurla həyata keçirilməsinə öz töhfəsini verməyə çalışır. V.Rəhimzadə çıxışının sonunda YAP Abşeron rayon təşkilatı Gənclər Birliyinin gələcək fəaliyyətinə uğurlar arzulayıb.

Tədbirdə çıxış edən YAP Abşeron rayon təşkilatının İdarə Heyətinin üzvü, Abşeron rayon İH başçısının birinci müavini İ.Gülməmmədova YAP Abşeron rayon təşkilatı GB-nin fəaliyyətini yüksək qiymətləndirərək bildirib ki, Gənclər Birliyinin üzvləri Abşeron rayonunun ictimai-siyasi həyatında fəal iştirak edirlər. İ.Gülməmmədova, həmçinin, rayonda həyata keçirilən abadlıq və quruculuq işləri haqqında da ətraflı məlumat verərək gəncləri bu istiqamətdə fəal olmağa çağırıb.

Sonra təşkilati məsələlərə baxılıb. YAP Abşeron rayon təşkilatı Gənclər Birliyinin 23 nəfərdən ibarət Şura üzvləri, 11 nəfərdən ibarət Gənclər Birliyinin İdarə Heyətinin üzvləri seçiliblər. Rayon Gənclər Birliyinin sədri Elgün Hümbətov, müavinləri isə Rəşad Baxışəliyev və Elgün İsgəndərov seçiliblər. YAP Gənclər Birliyinin respublika konfransına 4 nəfər nümayəndə seçilib.

Tədbirdə bir qrup partiya üzvünə vəsiqələr təqdim olunub.

yeniazerbaycan.com





Ən son və doğru xəbərlər

Xəbər lenti

Təqvim

«    Avqust 2017    »
BeÇaÇCaCŞB
 123456
78910111213
14151617181920
21222324252627
28293031 

KATEQORIYALAR