Sumqayıt gənclərinin “Yay Məktəbi”nin növbəti turu təşkil edilib

Sumqayıt şəhər İcra Hakimiyyətinin təşəbbüsü, Gənclər və İdman Baş İdarəsinin təşkilatçılığı ilə 12 iyul 2018-ci il tarixində başlanılan Sumqayıt gənclərinin "Yay Məktəbi”nin növbəti turu təşkil edilib. Quba rayonunda təşkil olunan "Yay Məktəbi”ndə Sumqayıt idman məktəb, cəmiyyət, klub və bazaların rəhbərləri. əməkdar idman xadimləri və məşqçiləri, Fəxri Bədən Tərbiyəsi və idman işçiləri ilə yanaşı gənc məşqçi və idmançılar iştirak ediblər.

"Yay Məktəbi” iştirakçıları Ümummilli Lider Heydər Əliyevin abidəsini və Quba Soyqırımı Memorial Kompleksini ziyarət edib, Heydər Əliyev Mərkəzi ilə tanış olublar. Düşərgədə gənclər arasında intelektual, əyləncəli oyunlar, təbiətlə tanışlıq, yemək və çay fasilələri təşkil edilib.

"Yenisumqayit.az”