Manşet / İqtisadiyyat

Toyuq və toyuq məhsulları istehsal edən ilk müəssisə sertifikatlaşdırılmışdır

Toyuq və toyuq məhsulları istehsal edən ilk müəssisə sertifikatlaşdırılmışdır


Toyuq və toyuq məhsulları istehsal edən ilk müəssisə sertifikatlaşdırılmışdır

İslam Əməkdaşlıq Təşkilatının Standartlaşdırma və Metrologiya İnstitutu tərəfindən təsdiq edilmiş vahid “Halal qida” standartı - OİC/ SMİİC 1:2011“General Guidelines on Halal Food” standartına əsasən Azərbaycan Respublikasının Standartlaşdırma, Metrologiya və Patent üzrə Dövlət Komitəsi tərəfindən təsdiq edilmiş AZS 731-2012 (OİC/ SMİİC 1:2011) “Halal qida. Ümumi tələblər” dövlət standartına uyğun toyuq və toyuq məhsulları istehsal edən ilk müəssisə sertifikatlaşdırılmışdır.
Komitə yanında Dövlət Akkreditasiya Xidməti tərəfindən akkreditasiya olunan “AzeSert Halal” orqanının sertifikatlaşdırdığı məhsullar “Səba” ASC-nin istehsal etdiyi “Səba” əmtəə nişanlı broyler cücə əti, toyuq əti hissələri, toyuq içalatıdır. Bundan başqa adıçəkilən məhsulların “Halal” qaydalara uyğun istehsal şəraiti də AZS 731-2012 (OİC/ SMİİC 1:2011) “Halal qida. Ümumi tələblər”, ГОСТ 25391-1982 “Мясо цыплят-бройлеров. Технические условия”, AZS 540-2010 “Quş əti və əlavə quş əti məhsullarından hazırlanan yarımfabrikatlar. Ümumi texniki şərtlər”, AZS 299-2008 “Toyuq içalatı. Texniki şərtlər” standartlarının tələblərinə uyğun gəldiyi üçün müvafiq sertifikatla təmin olunmuşdur.

Sertifikatlaşdırma təxminən 2 aya qədər müddət ərzində aparılmış araşdırmaların nəticəsində həyata keçirilmişdir. Araşdırmalar zamanı xammalın alınması, hazırlanması, emalı, təsnifatı, təyin edilməsi, qablaşdırılması, markalanması, işarələnməsi, nəzarəti, yuklənib boşaldılması, nəql edilməsi, paylanması, saxlanılması və xidmət edilməsi mərhələlərində riayət edilməsi vacib olan umumi qaydaların, habelə toyuqların yetişdirilməsindən başlayaraq satış məntəqələrinə daşınmasına qədər olan bütün mərhələlərdə tələblərin müəssisə tərəfindən icra vəziyyəti öyrənilmişdir.

Bundan başqa AZS 731-2012 (OİC/ SMİİC 1:2011) “Halal qida. Ümumi tələblər” dövlət standartına uyğunluğu təsdiq edən sertifikatı alan müəssisənin məhsullarının üzərində Komitə tərəfindən təsdiq olunmuş əmtəə nişanından istifadə etmək hüququ verilmişdir.

(azstand.gov.az)





Xəbər lenti

Təqvim

«    Yanvar 2021    »
BeÇaÇCaCŞB
 123
45678910
11121314151617
18192021222324
25262728293031

KATEQORIYALAR