Cəmiyyət

BAKI-2015 - Çempionumuz: "Sabahdan oruc tutacam"

BAKI-2015 - Çempionumuz: "Sabahdan oruc tutacam"

Avropa Oyunlarının taekvondo üzrə 80 kq-dan artıq idmançılar arasında döyüşlərin qalibi Radik İsayev prezident İlham Əliyev tərəfindən mükafatlandırıldıqdan sonra jurnalistlərə fikirlərini bildirib:
"Final döyüşüm çox ağır oldu. Çünki çox güclü rəqiblə üz-üzə gəlirdim. Bu idmançıya əvvəl 2 dəfə uduzmuşdum. Şükür Allaha ki bu dəfə ona Bakıda qalib gəldim. İndi Olimpiada haqda düşünmək istəmirəm. Çünki yaxınlarımla istirahət edəcəyəm. Həmişəki kimi qələbəni valideynlərimə həsr edirəm. İl mənim üçün uğurlu keçdi. Dünya çempionu olmuşdum, indi isə Bakıda keçirilən ilk Avropa Oyunlarının qalibi adını qazandım".
İsayev oruc tutması haqda isə bunları deyib:
"Döyüş vaxtları oruc tutmuram. Allah günahlarımızdan keçsin. Amma sabahdan oruc tutmağa başlayacağam. 1 həftə istirahət etmək imkanım var".
Qeyd edək ki, Azərbaycana 13-cü qızıl medalı qazandıran Radik İsayev finalda rusiyalı Vladislav Larini məğlub edib - 4:3.
ANS PRESS





Xəbər lenti

Təqvim

«    May 2021    »
BeÇaÇCaCŞB
 12
3456789
10111213141516
17181920212223
24252627282930
31 

KATEQORIYALAR