"Əlil Sahibkarlar Təşkilatı" növbəti tədbirini Sumqayıtda həyata keçirdi - FOTOLAR

İyunun 23-də Əlil Sahibkarlar Təşkilatı İctimai Birliyi tərəfindən "Əlillərin sahibkarlıq fəaliyyətinə təşviq edilməsi üçün təlimlərin keçirilməsi” layihəsi çərçivəsində Sumqayıt şəhərində növbəti görüş keçirilib.

Görüşə Sumqayıtla yanaşı, paytaxt Bakıdan, Quba, Astara və digər bölgələrdən olan 40-a yaxın iştirakçı qatılıb.

Tədbiri İB-nin sədri Mirzə Məmmədvəliyevaçaraq layihənin məqsədlərindən, həyata keçirilən işlərdən bəhs edib.

Bildirilib ki, bu, layihə çərçivəsində keçirilən 10-cu belə tədbirdir. Layihənin həyata keçirilməsində əsas məqsəd əlilliyi olan şəxslər arasında sahibkarlıq fəaliyyətinin təşviq edilməsi, əlillərin sahibkarlıq fəaliyyətinə hazırlanması üzrə maarifləndirmə tədbirlərinin təşkili, kreditlərə çıxış imkanlarının öyrədilməsi və fəallığın artırılmasından ibarətdir.

Görüşlərlə yanaşı artıq öz uğurlu fəaliyyətini qurmuş əlil şəxslərin sahibkarlıq subyektlərinə gəzintilərin təşkil edilməsi də nəzərdə tutulur.

Xatırladaq ki, Azərbaycan Respublikası Prezidenti yanında qeyri-hökumət təşkilatlarına Dövlət Dəstəyi Şurasının maliyyə dəstəyi ilə həyata keçirilən layihə çərçivəsində baş tutan görüşlərdə İqtisadiyyat və Sənaye, Vergilər, Kənd Təsərrüfatı Nazirliklərinin nümayəndələri də mütəmadi iştirak edirlər.

Layihənin davamlılığının təmin edilməsi məqsədilə gələcəkdə əlilliyi olan sahibkarlara xidmət göstərəcək Hüquqi Yardım Departamentinin təsis edilməsi də planlaşdırılır ki, bu da ölkəmizdə ilk belə təşəbbüsdür.

Əlil Sahibkarlar Təşkilatı İB tərəfindən həyata keçirilən tədbir və layihələrdə iştirak etmək istəyən əlilliyi olan şəxslər aşağıda qeyd edilmiş vasitələr ilə əlaqə saxlaya bilərlər:

E-poçt: best-ib@mail.ru

Tel: +99412409 14 21,

+99450 627 37 64,

+99470 227 37 64