Sumqayıtda hava

Cəmiyyət

Sumqayıtda şüşə istehsalı zavodu tikiləcək

Sumqayıtda şüşə istehsalı zavodu tikiləcək


Sumqayıt Kimya Sənaye Parkının inkişaf strategiyasına uyğun olaraq, sənayeləşmənin genişləndirlməsi istiqamətində yeni sənaye sahələrinin yaradılması, rəqabətqabiliyyətli, idxalı əvəz edən və ixracyönümlü yeni məhsul növlərinin istehsalının təşkili, yaradılan müəssisələrin ən müasir avadanlıqlarla və innovativ texnologilayalarla təchiz edilməsi, sənaye sahəsində məşğulluğun təmin olunması, sənaye parkının təşviq edilməsi və investorların cəlb olunması ilə əlaqədar işlər davam etdirilir.
Bununla əlaqədar parkın idarəedici təşkilatı olan "Sumqayıt Kimya Sənaye Parkı" MMC-yə qanunvericiliyə müvafiq olaraq müraciət etmiş AzerFloat QSC-ə Sumqayıt Kimya Sənaye Parkının rezidenti statusu verilmişdir.
AzerFloat QSC parkın ərazisində Float texnologiyası (isti vannada yayma) əsasında şüşə lövhələrin istehsalı ilə məşğul olacaq. Layihə çərçivəsində 150 nəfərin çalışacağı və ildə 8 mln. m2 müxtəlif çeşiddə şüşə lövhələr istehsal edəcək Vərəqə Şüşə İstehsalı Zavodunun inşası nəzərdə tutulur. Burada istehsal olunacaq məhsulların daxili bazarın tələbatını ödəməklə yanaşı, xarici ölkələrə ixracı da nəzərdə tutulur. Qeyd edək ki, hazırda ölkədə vərəqə şüşələrə olan tələbat əsasən idxal məhsulları hesabına təmin edilir.
Yeni yaradılan müəssisənin layihələndirilməsi, müasir avadanlıq və qabaqcıl texnologiyalarla təchiz edilməsi dünyada şüşə əritmə texnologiyaları sahəsində 125 illik təcrübəyə malik olan Almaniyanın "HORN Glass Industries AG" şirkəti tərəfindən təmin ediləcəkdir.
Qeyd edək ki, Sumqayıt Kimya Sənaye Parkının rezidentləri 7 il müddətinə mənfəət vergisindən, əmlak vergisindən, torpaq vergisindən və idxal olunan texnika, texnoloji avadanlıqlar və qurğulara görə ƏDV-dən azad olunurlar.
Qeyri-neft sektorunun ən iri layihələrindən olan Sumqayıt Kimya Sənaye Parkının fəaliyyətinin təşkili və sənaye parkına investorların cəlb olunması istiqamətində tədbirlər davam etdirilir.





Xəbər lenti

Təqvim

«    Noyabr 2020    »
BeÇaÇCaCŞB
 1
2345678
9101112131415
16171819202122
23242526272829
30 

KATEQORIYALAR