Maraqlı

Sumqayıt gənclərindən YENİ İDEYA !

Sumqayıt gənclərindən YENİ İDEYA !


İxtisasları kimyaçı və kimya müəllimi olan bir qrup gənc cəmiyyətdə kimya elminə olan marağı artırmaq, kimyanı bir fənn kimi şagirdlərə sevdirə bilmək üçün əməli fəaliyyətə başlayıblar.
İxtisasca kimya müəllimi olan Sumqayıt Dövlət Universitetinin 2 məzunu - Vəli Əliyev və Vəfa Həsənovanın təşəbüsü ilə ərsəyə gələn, Arzu Nəbizadə, Süleyman Hüseyinov, Pərvinə Zeynalova, Mədinə Nəbili kimi könüllülərin dəstəyi ilə böyüyən ideyanın müəllifləri bildirirlər ki, onlar kimyafobiyanın iki formasını fərqləndirirlər.

Sumqayıt gənclərindən YENİ İDEYA !


Düşünürlər ki, birinci halda mövzu orta məktəb şagirdlərinin kimya elminə get-gedə artan neqativ münasibətidir. Belə ki, kimyanın praktik tətbiqinin mövcud maddi baza çatışmazlığı səbəbindən çox zaman ikinci planda qalması şagirdlər arasında bu elmə olan marağı yox edir, kimya onların gözündə faydasız bir elmə çevrilir. Bununla mübarizə aparmaq üçün qrup üzvləri müxtəlif dillərdə olan təsvir və videoların Azərbaycan dilinə tərcümə edilməsi ilə yanaşı, şagirdlər arasında dərsdənkənar onlayn müsabiqələrin və yarışların keçirilməsi məsələsini də diqqətdə saxladıqlarını bildirirlər.

Sumqayıt gənclərindən YENİ İDEYA !


Kimyafobiyanın digər forması isə sadə insanların bu elmə olan laqeyd münsibəti hesab olunur. Bunun da başlıca səbəbi insanlarda kimya elminin işləri haqqında dolğun təsəvvürün olmamasıdır.
"Biz hər birimiz öz işlərimizdə kimyanın xidmətlərindən istifadə edirik. Bildiyiniz kimi kimya maddələr haqqında elmdir və bizə məlum olan bütün cisimlər müxtəlif maddələrdən təşkil olunub.

Sumqayıt gənclərindən YENİ İDEYA !


Düşünürük ki, sağlam yaşamaq istəyən hər kəs istifadə etdiyi cisimləri təşkil edən maddələr haqqında məlumata sahib olmalıdır. Özümüzü, sevdiklərimizi və dünyamızı qoruya bilmək üçün bizim hər birimiz həvəskar kimyaçı olmalıyıq." - ideya müəllifi öz işlərini belə əsaslandırıb. O həmçinin əlavə edib ki, cəmi bir ay öncə fəaliyyətə başlayan qrupun işi insanlar arasında böyük rəğbətlə qarşılanır:
"Bilirsiniz ki, bu tək bir şəxsin işi deyil, bu komanda işidir. Əgər biz bu işi birlikdə görməsəydik, bu cür bir səviyyəyə çatmaq imkansız olardı." - deyə danışan qrup rəhbəri bildirib ki, hələlik bütün ideyaları reallaşdırmaq üçün maddi imkan kifayət etmir. Amma insanlar əmin olsunlar ki, bu işlə bağlı çox parlaq fikirləri var və onlar bunları həyata keçirmək üçün bütün imkanlarından istifadə edəcəklər.





Xəbər lenti

Təqvim

«    Mart 2021    »
BeÇaÇCaCŞB
1234567
891011121314
15161718192021
22232425262728
293031 

KATEQORIYALAR