Amerika tarixinin ən uzun savaşı bitdi

ABŞ prezidenti Barak Obama, ABŞ-ın Əfqanıstandakı savaş missiyasının başa çatdığını, Amerika tarixinin ən uzun savaşında önəmli nəticə əldə etdiklərini bildirib.

Əfqanıstandakı ABŞ əsgərlərinin "fədakarlıqları" sayəsində bu ölkədəki müharibə missiyasının sona çatdığını bildirən Obama ABŞ ordusu üzvlərinə minnətdarlığını çatdırıb, müharibədə ölən 2200 Amerika əsgərinin xatirəsini anıb.

Obama, Əfqan xalqı və təhlükəsizlik qüvvələrinin öz ölkələrini müdafiə etmək üçün böyük fədakarlıqlar nümayiş etdirməyə davam etdiyini söyləyib.
O, həmçinin əfqan əsgərlərinə təlimlərin keçirilməsi, Əl Qaidə terrorçuları ilə mübarizədə yardım edilməsi məqsədilə Əfqanıstanda məhdud sayda ordu birləşmələrinin qalacağını bildirib.

Obama, prezident kürsüsünə gəldiyində, Əfqanıstan və İraqda 180 min Amerika əsgərinin olduğunu, hazırda isə bu sayın 15 min nəfərdən az olduğunu da sözlərinə əlavə edib.



(ntv.com.tr)