Sumqayıtda hava

Manşet / Cəmiyyət

Sumqayıtlılar Prezidentə nə yazırlar? - MƏKTUBLAR

25.10.2015 18:18

Sumqayıtlılar Prezidentə nə yazırlar? - MƏKTUBLAR



"YeniSumqayit.Az" Azərbaycan Prezidentinin rəsmi saytına istinadla Sumqayıt şəhərinin və ətraf qəsəbə sakinlərinin Prezidentə yazdığı məktublardan bir neçəsinin mətnini təqdim edir. Məktublarda Prezident İlham Əliyevin rəhbərliyi ilə Sumqayıtda və eləcə də ölkəmizdə həyata keçirilən işlərdən, sahibkarlığa göstərilən diqqət və qayğıdan, yeni həyata keçirilən layihələrdən razılıq ifadə olunur.
 
Ceyranbatan qəsəbə sakini Əmirxan Qəhrəmanov:
Hörmətli cənab Prezident!
Sizin fəaliyyətinizi izlədikcə, çıxışlarınızı dinlədikcə, milli-mənəvi dəyərlərimizin qorunması və təbliği istiqamətində səylərinizi seyr etdikcə qüdrətli Azərbaycanımızın parlaq gələcəyə gündən-günə daha da yaxınlaşdığının şahidi oluruq. Ölkəmizdə hər sahədə olduğu kimi, sahibkarlıq fəaliyyətinin genişləndirilməsi istiqamətində də böyük uğurlar qazanılır. Bu nailiyyətlərin əsasında Sizin bu sahəyə, bu sahədə çalışanlara göstərdiyiniz diqqət və qayğı dayanır.
Çox hörmətli Prezident, sahibkarlara verdiyiniz dəstəyə görə Sizə dərin minnətdarlığımızı bildirir, uzun ömür, möhkəm cansağlığı və çiçəklənən Azərbaycanımızın inkişafı naminə işlərinizdə yeni-yeni uğurlar arzu edirik.
"Aqroİnter"-in kollektivi adından səmimi hörmət hissi ilə.

Sumqayıt şəhər sakini Kənan Abdullayev:
Möhtərəm cənab Prezident!
Sizin ölkə vətəndaşlarına, xüsusilə gənclərə göstərdiyiniz diqqət və qayğı danılmazdır. Ulu öndər Heydər Əliyevin uğurlu siyasətinin davamçısı olaraq Siz ölkəmizdə uğurlu gənclər siyasəti yürüdürsünüz. Son günlər Sumqayıtda gedən sürətli abadlıq-quruculuq işləri biz gəncləri çox sevindirir. Bakı-Sumqayıt marşrutu üzrə yeni istifadəyə verilən sürətli qatar biz tələblərin çoxdanki arzusu idi. Şəhərimizdə yeni, möhtəşəm  Heydər Əliyev Mərkəzinin, şahmat və musiqi məktəblərinin təməlinin qoyulması sevincimizə əlavə  sevinc qatır. Bu, Sizin gənclərə olan qayğınızın bir nümunəsidir.
Hörmətli cənab Prezident, bütün bunlara görə Sizə dərin minnətdarlığımızı bildiririk. Sizi əmin edirik ki, biz sumqayıtlı gənclər Sizin siyasətinizi  dəstəkləyir və ətrafınızda sıx birləşmişik. Allahdan Sizə və ailə üzvlərinizə möhkəm cansağlığı və uzun ömür arzulayırıq.

Sumqayıt şəhər sakini Vasif Mütəllimov:
Hörmətli cənab Prezident!
Sahibkarlarla bağlı verdiyiniz qərara görə, Sizə səmimi qəlbdən təşəkkürümü bildirirəm. Sahibkarlığın inkişafını daim diqqətdə saxladığınız üçün Sizə minnətdaram. Siz ölkəmizin inkişafı üçün əlinizdən gələni edirsiniz.
Möhtərəm Prezident, bu gün bütün dünyada müharibələr, qarşıdurmalar  baş verir, uşaqlar ölür, ailələr məhv olur. Bizdə isə sabitlik, firavanlıq hökm sürür. Bu sabitliyi və firavanlığı bizə bəxş etdiyinizə görə Sizə dərin minnətdarlığımı bildirirəm. Mən bir Azərbaycan vətəndaşı kimi belə sabit cəmiyyətdə yaşadığımız, uşaqlarımızın əlindən tutub rahat gəzdiyimiz üçün çox xoşbəxtəm.
Hörmətli cənab Prezident, arzu edirəm ki, dəstəyinizi, diqqətinizi biz sahibkarlardan heç vaxt əsirgəməyəsiniz, qara qüvvələrin ölkəmizdə xaos yaratmalarına imkan verməyəsiniz.  
Sizə möhkəm cansağlığı, fəaliyyətinizdə uğurlar arzu edirəm. Allah yardımçınız olsun.

Sumqayıt şəhər sakini Müzəffər Gülümov:
Hörmətli cənab Prezident!
Ulu öndərimiz Heydər Əliyevin siyasi kursuna sadiq qalaraq həyata keçirdiyiniz uğurlu layihələr nəticəsində ölkəmizin rayon və şəhərləri sürətlə inkişaf etməkdədir. Son bir ayda Sumqayıtda aparılan abadlıq-quruculuq işləri bizi çox sevindirir. Şəhərimizin Azərbaycan prospekti boyu evlərin gülbax daşı ilə üzlənməsi bu küçənin simasını tamamilə dəyişib. Bu, bizi çox sevindirir.
Möhtərəm Prezident, bir ağsaqqal kimi həyata keçirilən bu işlərdən fəxr və qürur hissi duyuram. Şəhər ağsaqqalları adından Sizə sonsuz minnətdarlığımızı bildiririk.





Bu bölmədə bənzər xəbərlər

  1. Sumqayıt sakinindən Prezidentə GÖZLƏNİLMƏZ TƏKLİF
  2. Lütfi Zadə Prezidentə məktub yazıb; "Azərbaycan çox şanslıdır"
  3. Prezident xristianları təbrik edib
  4. Prezident vədini yerinə yetirdi (FOTOLAR)
  5. YAP Abşeron rayon təşkilatı Gənclər Birliyinin konfransı keçirilib
  6. İlham Əliyev Sumqayıtda Heydər Əliyevin abidəsini ziyarət edib
  7. İlham Əliyev Əfqanıstan Prezidenti Məhəmməd Əşrəf Qani ilə görüşüb
  8. Heydər Əliyev Sumqayıtda anıldı
  9. YAP Sumqayıt şəhər təşkilatında dəyişiklik (FOTOLAR)
  10. İlham Əliyev Sumqayıt şəhərinə gəlib

Çox oxunan xəbərlər

  1. "Sumqayıt" bu dəfə "Neftçi" ilə qarşılaşacaq
  2. Abituriyentlər nə üçün Azərbaycan İlahiyyat İnstitutunu seçirlər?
  3. Sumqayıtlı gənc həkimdən nümunəvi addım - QƏBUL ÖDƏNİŞSİZ OLACAQ
  4. Sumqayıt Kimya Sənaye Parkına daha 245 milyon dollar investisiya
  5. Sumqayıtda narkotik maddələrin satışı ilə məşğul olan Qubadlı sakini tutuldu
  6. Aşura günü Sumqayıtda da qanvermə aksiyası keçiriləcək
  7. Azərbaycan-Fransız Universitetinin bakalavr proqramına qəbul başlayır - ŞƏRTLƏR
  8. Sumqayıtda İŞ VAR - Tekstil fabrikinə işçilər tələb olunur
  9. İŞ VAR: Azpetrol şirkətindən son vakansiyalar
  10. 36-cı məhəllədə dezinfeksiya işləri həyata keçirilib - FOTOLAR

Xəbər lenti

Təqvim

«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 

Arxiv

Sentyabr 2020 (24)
Avqust 2020 (71)
İyul 2020 (98)
İyun 2020 (58)
May 2020 (76)
Aprel 2020 (82)

KATEQORIYALAR