"Sumqayıt" AZAL və "Zirə" ilə yoxlama görüşü keçirəcək

"Sumqayıt" Futbol Klubu yanvarın 11-dən etibarən Sumqayıtda təlim-məşq toplanışına yığışacaq. Komanda təlim-məşq toplanışı çərçivəsində 4 yoxlama oyunu keçirəcək.

"Yeni Sumqayıt"ın klubun rəsmi saytına istinadla verdiyi xəbərə əsasən komanda yanvarın 17-si və 19-da AZAL ila qarşılaşacaq, yanvarın 23-də isə 1-ci divizion təmsilçisi "Zirə"ni qəbul edəcək.

Yanvarın 14-də planlaşdırılan yoxlama oyunu üçün rəqibin kimliyi isə hələ məlum deyil.

Qeyd edək ki, "Sumqayıt" bu gündən 2014/2015 mövsümünün 3-cü dövrəsi üçün hazırlığa artıq start verib. Komanda Aqil Məmmədovun rəhbərliyi altında yeni ildə ilk məşqinə çıxıb. Komandanın heyətində zədəli futbolçu yer almır.