"Gənc Mühəndislər" Sumqayıt Kimya Sənaye Parkında - FOTOLAR

Martın 12-də "Gənc Mühəndislər Cəmiyyəti” İB tərəfindən növbəti texniki gəzinti təşkil edilib.

İB-nin məlumatına görə, Sumqayıt Kimya Sənaye Parkının ərazisində yerləşən "Azərtexnolayn" MMC-də baş tutan gəzintidə Azərbaycanın müxtəlif ali məktəblərindən tələbələr iştirak ediblər.

Gəzinti zamanı "Azərtexnolayn" MMC-nin mütəxəssisləri tərəfindən iştirakçılara şirkət və burada istehsal olunan məhsullar, şirkətin istehsal sahələri və laboratoriyaları, şirkətdə əməkdaşların işə qəbul mexanizmi, gələcək planlar haqqında ətraflı məlumatlar verilib, sonra iştirakçılar müəssisənin istehsalat sahələrinə gedərək istehsal prosesi ilə yaxından tanış olublar. Gənclərin sualları cavablandırılıb. Sonda xatirə fotoşəkli çəkilib.

Qeyd edək ki, 2013-cü ildən etibarən Sumqayıt Kimya Sənaye Parkının rezidenti statusunu alan "Azertexnolayn” MMC-nin zavodlarında Almaniya, Cənubi Koreya, Türkiyə və digər ölkələrin istehsalı olan müasir texnologiya və avadanlıqlar əsasında müxtəlif diametrli polad borular və hidrotexniki avadanlıqlar, xüsusi təyinatlı müxtəlif diametrli polietilen borular və digər yüksək keyfiyyətli məhsullar istehsal edilir. Burada istehsal olunan məhsullar ölkədaxili sifarişçilərin tələblərini ödəməklə yanaşı xarici bazarlara da ixrac edilir. Hazırda Park ərazisində "Azertoxnolayn” MMC-nin 3 zavodu - Polad Boru Zavodu, Polietilen Məmularları Zavodu və Texniki Avadanlıqlar Zavodu fəaliyyət göstərir.

"Yenisumqayit.az"