Sumqayıtda kütləvi dezinfeksiya işləri aparılır - FOTOLAR

Sumqayıt şəhərində bütün çoxmərtəbəli binalarda, park və xiyabanlarda, iaşə obyektlərində kütləvi şəkildə dezinfeksiya və deratizasiya işlərinə başlanılıb.

Havanın temperaturu yüksəldikcə ziyanverici həşəratların və gəmiricilərin sürətlə çoxalması baş verir. Bu çoxalmaya xüsusilə çoxmənzilli binaların zirzəmilərində, parklarda, həmçinin iaşə obyektlərində rast gəlinir. Bu isə şəhər sakinlərinin rahatsızlığına, natəmizliyə, eyni zamanda bir sıra xəstəliklərin yaranması səbəb olur.

"Sumqayitxeber.com"un məlumatına görə, Şəhər Gigiyena və Epidemiologiya Mərkəzi tərəfindən hər gün profilaktik tədbirlər həyata keçirilir. Son 5 ay ərzində bütün çoxmənzilli binalarda həşəratlara, xəstəliktörədici mikroorqanizmlərə, infeksiya mənbəyi olan və onu yayan gəmiricilərə qarşı 5 dəfə dezinfeksiya və derotizasiya tədbirləri həyata keçirilib.

Qarşıdakı aylarda da mütəmadi olaraq profilaktik tədbirlər davam etdiriləcək.

"Yenisumqayit.az"