İcra başçısı uşaqları sevindirdi - FOTOLAR

Sumqayıt şəhər İcra Hakimiyyətinin başçısı Zakir Fərəcov 31 Dekabr - Dünya Azərbaycanlılarının Həmrəylik Günü və Yeni il münasibəti ilə 40 və 63 saylı körpələr evi - uşaq baxçalarında təşkil edilən bayram şənliklərində iştirak edib.

"Sumqayitxeber.com"un məlumatına görə, İcra Hakimiyyətinin başçısı körpə fidanları bayram münasibəti ilə təbrik edib, gələcəyimiz olan uşaqlara can sağlığı, xöşbəxt həyat, sevinc dolu günlər və vətənə layiqli övlad olmalarını arzulayıb. Şəhər rəhbəri çıxışında bağçanın kollektivinə gələcək fəaliyyətlərində uğurlar arzulayıb.

Bayram şənliyi üçün hazırlanan musiqili kompozisiyada uşaqlar maraqlı proqramla çıxış ediblər. Onların ifasında yeni ilə həsr olunan şerlər, mahnılar və rəqs nömrələri alqışlarla qarşılanıb.

Sonda uşaqlara yeni il hədiyyələri təqdim edilib.

"Yenisumqayit.az"