Sumqayıtda “Karyera, reallıq və beyin” mövzusunda təlim keçirilib

Gənclər və İdman Baş İdarəsinin təşkilatçılığı ilə Gənclər Evində "Edu Company”nın rəhbəri, tanınmış gənc təlimçi Orxan Şahbaz tərəfindən "Karyera, reallıq və beyin” mövzusunda təlim keçirilib. Təlimdə Sumqayıt və Bakı şəhərinin müxtəlif sahələrinin təmsil etməklə ümumilikdə 120 nəfər gənc iştirak edib.

Tədbiri giriş sözü ilə açan Baş İdarənin Gənclərlə iş sektorunun müdiri Ceyhun Hüseynov dövlət gənclər siyasətinin istiqmətlərinə uyğun gənclərin təkliflərinin dəstəkləndiyini, onların bilik və bacarıqlarının inkişaf etidirlməsi istiqamətində mütəmadi olaraq təlim, seminar-trerinqlərin təşkil edildiyini bildirmiş və eyni zamanda təlimdə verilən biliklərin vacibliyini diqqətə çatdırıb.

Təlimdə Orxan Şahbaz tərəfindən bacarıqların inkişaf etidirlməsi, karyera ilə reallıqları necə uyğunlaşdırmalı?, karyera qurmaqda beyinin rolu, karyera üçün hansı təkliflər var?, modelləşmiş hibrit beyinlə daha irəli getmək mümkündürmü? kimi mövzularda fikir mübadiləsi aparılıb.

Sonda gəncləri maraqlandıran suallar təlimçi tərəfindən cavablandırılıb.