“Azərikimya” İB-də yoluxucu xəstəliklərə qarşı tədbirlərlə bağlı geniş təqdimat

Fevralın 28-də SOCAR-ın Ekologiya İdarəsinin Gigiyena və Epidemiologiya Mərkəzinin həkimi tərəfindən "Azərikimya” İB-nin akt zalında Birliyin əməkdaşları üçün yoluxucu xəstəliklərə qarşı profilaktik tədbirlərlə bağlı geniş təqdimat keçirilib.

İdarənin müdir müavini Arzu Namazova infeksion xəstəliklər, onların yoluxma yolları, simptomları, və profilaktikası haqqında xüsusi olaraq hazırlanmış slaydlar vasitəsilə ətraflı məlumat verib.
Vurğulanmışdır ki, SOCAR-ın bütün idarə və müəssisələrində marifləndirici görüşlər, profilaktik tədbirlər, dezinfeksiya işləri həyata keşirilir. Artıq "Azərikimya” İB-nin əsas binasında, idarə və müəssisələrin inzibati binalarında bir neçə dəfə profilaktik tədbirlər, dezinfeksiya işləri həyata keçirilib, mərtəbələrdə əllərin dezinfeksiyası üçün xüsusi qablarda dezinfeksiyaedici məhlullar yerləşdirilib.
Sonda əməkdaşların bu mövzuda çoxsaylı sualları cavablandırılıb.

Yenisumqayit.az