Rəqəmsal xidmətləri əlçatan edən sayt istifadəyə verildi

"Evdeqal.az" saytı yeni növ koronavirus (Covid-19) infeksiyasının törədə biləcəyi təhlükə nəzərə alınaraq, insanların həm öz, həm də ətrafdakı insanların sağlamlığını qoruması üçün ehtiyac olmadığı təqdirdə evdən çıxmamasının vacibliyi istiqamətində maarifləndirilməsi, evdə qaldıqları müddətdə şəxsi inkişaflarının təmin edilməsi məqsədilə Nəqliyyat, Rabitə və Yüksək Texnologiyalar Nazirliyi və Birləşmiş Millətlər Təşkilatının İnkişaf Proqramının birgə təşkilatçılığı ilə yaradılmışdır.

Yeni növ koronavirus (Covid-19) pandemiyasına qarşı profilaktik tədbirlər çərçivəsində evlərdə sosial izolyasiya tədbirlərinə müvafiq olaraq təcrid olan insanlar tərəfindən onlayn mağazalara, mal və xidmətlərin onlayn sifarişlərinə və onlayn-kinoteatrlara olan tələbatların dəfələrlə artdığını nəzərə alaraq, "evdeqal.az" saytında istifadəçilərə koronavirus şəraitində mövcud çağırış və imkanlar, təhsil, səhiyyə, əyləncə, qida və çatdırılma kateqoriyaları üzrə xidmətlər təqdim olunur.

Həmçinin saytda rəqəmsal biznes qurma yolları, hər kəsin evdə oturaraq bu biznesləri idarə edə bilməsi üsulları barədə məlumatlar verilir.

"Yenisumqayit.az"