Sumqayıtda hava

Faydalı

DONORLARIN NƏZƏRİNƏ! - Ramazan ayında qan vermək olarmı?

İslam dininin əsas prinsiplərindən biri də insan həyatının xüsusi əhəmiyyət kəsb etməsinin üstünlüyüdür. İslamda insan həyatını xilas etməyin, xəstəlik zamanı başqalarına kömək etməyin vacib olduğu göstərilmişdir. Kəlamlardan birində “İnsan həyatını xilas edən bütün bəşəriyyəti xilas edir” deyilir. İlahiyyatçı alimlər İslam nəzəriyyəsinə əsaslanaraq bildirirlər ki, qan donorluğu da həyat xilas edən bir vasitə kimi həqiqətən xeyirxah bir işdir.
Qan, irsi qan xəstəliklərindən əziyyət çəkən insanlar üçün davamlı ehtiyacdır. Ramazan ayında da digər aylardakı kimi qan ehtiyacı davam edir. Bu səbəbdən Ramazanda donor olmaqla bağlı insanları maraqlandıran məsələlərə aydınlıq gətirmək istədik.
Oruclu halda qanvermənin insan orqanizminə mənfi təsir edəcəyi düşünülür.
Elmi araşdırmalara görə, normal şərtlər altında oruclu halda qan vermək insan sağlamlığına mənfi təsir etmir. Qan verən insan qan verdikdən sonra mütləq istirahət etməlidir. Lakin çox vacib deyilsə, qanverməni iftardan sonraya saxlamaq daha məsləhətdir. Oruclu insanlar uzun zaman ərzində susuz qaldıqlarına görə, qan verəndən sonra orqanizmdə maye itkisi olduğunu nəzərə alaraq, bu vəziyyət qan təyziqinin aşağı düşməsinə səbəb ola bilər.
Ramazan ayında qan donoru olmağın dini baxımdan faydalı olduğu söylənilib, eyni zamanda, qan vermək orucu pozmaz.
Axşam yeməyindən (iftar) sonra qan bağışlanmasını təmin etmək məqsədilə, Milli Hematologiya və Transfuziologiya Mərkəzi Qan Xidməti müəssisələrinin iş rejimi dəyişdirilir və Ramazan ayı ərzində donorların qəbulu hətta axşam vaxtı günəş batdıqdan sonra da həyata keçirilir.
Sən də qan donoru olmaqla qana ehtiyacı olanların qəhramanı ola bilərsən.
Qan xidməti müəssisələrində donorların qəbulu öncədən növbə götürməklə təmin ediləcək.
Mərkəzi Qan Bankı ilə əlaqə
📍 Ünvan: Mirəli Qaşqay küç 87
☎ 907, +99412 440 65 86, +99412 441 66 52, +99412 440 78 50
"Yenisumqayit.az"





Xəbər lenti

Təqvim

«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 

KATEQORIYALAR