Emin Hacıyev: "Əminəm ki, xəstəliyə ilk qalib gələn biz Sumqayıtlılar olacağıq."

Milli Məclisin Sumqayıtdan seçilmiş üzvü Emin Hacıyev sosial şəbəkə hesabından Sumqayıt şəhər sakinlərinə müraciət edib. "Yenisumqayit.az" müraciəti olduğu kimi təqdim edir:

Dəyərli seçicilər, əziz Sumqayıtlılar!
COVİD 19 pandemiyasının ikinci dalğasının yayılmasının qarşısının alınması məqsədilə Azərbaycan Respublikası Nazirlər Kabineti yanında Operativ Qərargahın tövsiyə və qərarlarına ciddi əməl etməyə, mövcud vəziyyətlə əlaqədar zəruri sosial davranış qaydalarına, gigiyena və tibbi-profilaktik qaydalara əməl etməyə, sosial məsafəyə riayət etməklə ictimai yerlərdə digər şəxslərlə minimum kontaktda olmağa, tibbi maska və əlcəklərdən istifadə etməyə çağırıram.
Əminəm ki, karantin rejiminə, riayət etməklə, şənbə və bazar günləri evdə qalmaqla koronavirus pandemiyasının yayılmasının qarşısını alan, bu xəstəliyə ilk qalib gələn şəhərimiz və biz Sumqayıtlılar olacağıq.