Sumqayıtda hava

Siyasət

"Elin Səsi" Milli-Mənəvi Dəyərlərimizin Qorunması İB-dən müsəlman ölkələrin səfirlərinə MÜRACİƏT


"Elin Səsi" Milli-Mənəvi Dəyərlərimizin Qorunması İctimai Birliyinin müsəlman ölkələrin Azərbaycandakı diplomatik nümayəndəliklərinə
M Ü R A C İ Ə T İ

Hörmətli Səfir!
2020-ci ilin iyul ayının 12-dən başlayaraq Azərbaycan Respublikasının ərazi bütövlüyünü işğal edən Ermənistan Azərbaycan silahlı qüvvələrinin mövqelərini dinc əhalinin yaşadığı Tovuz rayonu istiqamətində hərbi təxribat törətməyə cəhd göstərməklə iriçaplı pulemyotlardan, snayperlər və artilleriya qurğularından atəşə tutaraq atəşkəs rejimini kobud şəkildə pozmuşdur. Azərbaycan ordusunun bu təxribatın qarşısını alması nəticəsində Ermənistan rəhbərlərinin tapşırığı ilə bu dəfə də dinc əhalini qorxutmaq üçün birbaşa olaraq yaşayış məntəqələrinə atəş açıldı. Nəticədə uşaq, qadın və yaşlı insanların yaşadığı çoxlu sayda evlərə ziyan dəydi, mülki şəxs həlak oldu. Bununla da Ermənistan öz təcavüzkar hərəkətləri ilə yenidən beynəlxalq hüququn bütün normalarını pozaraq mülki əhaliyə atəş açmaqla öz niyyətlərini bir daha göstərdi. Mülki şəxslərin ağır silahlardan atəşə tutulması isə erməni faşizminin əyani təzahürüdür.
Ermənistan tərəfindən Azərbaycanın əzəli torpaqlarının işğal edilməsini, həmin torpaqlarda dinc əhaliyə qarşı törədilən cinayətləri pisləyən İƏT, BMT, ATƏT, AŞPA və digər beynəlxalq qurumlar tərəfindən qəbul olunmuş qətnamələr, xarici dövlətlərin rəsmi bəyanatları Dağlıq-Qarabağın Azərbaycanın ayrılmaz hissəsi kimi tanıyır və illərdir olunan çağırışlar işğalçı Ermənistanın Azərbaycan torpaqlarını şərtsiz tərk etməsini tələb edir. Təəssüf ki, dünyada təcavüzkar, terrorçu, soyqırım siyasət aparan Ermənistan bütün bu qurumlara saymazcasına yanaşaraq ciddiyə almadığını yenidən nümayiş etdirdi.
Ümumiyyətlə, sülhün zaman-zaman Ermənistan tərəfindən məkr və fitnə ilə pozulması yeni savaşlara və yeni tələfatlara meydan açmışdır. Mənfur düşmən tərəfindən işğal altında qalmış torpaqlarımızda məqsədyönlü şəkildə müsəlman dövləti və İslam dünyasının tərkib hissəsi olan Azərbaycan xalqının milli-mənəvi irsinə təcavüz olunmuş, yüzlərə tarixi-dini abidə və məscid dağıdılmışdır. Bu gün Allahın kəlamlarının ucaldığı mənəviyyat dolu ocaqlar işğalçı ermənilər tərəfindən heyvan fermaları, anbar və digər məqsədlər üçün istifadə edilir.
Biz, "Elin Səsi" Milli-Mənəvi Dəyərlərimizin Qorunması İctimai Birliyi olaraq illərdir ki, mənəvi-dini dəyərlərin gənc nəsillərə aşılanması, müsəlman aləminin tarixi-dini abidələrinin təbliği istiqamətində fəaliyyət göstərən və üzvləri sırasında çoxlu sayda ziyalı, ilahiyyatçı, dinşünas, dilçi-alimlərin olduğu bir təşkilat kimi İslam dünyasını dinc insanların qətli kimi qəbuledilməz bir hala qarşı öz qətiyyətli münasibətini bildirməyə, təcavüz və təxribat hallarını kəskin qınamağa, təcavüzkar Ermənistanın hərəkətlərin qarşısının alınması, Azərbaycanın əzəli torpaqlarında ədalətin bərqərar olunması naminə səyləri birləşdirməyə çağırırıq. Bu bizlərin bir müsəlman olaraq Uca Allah qarşısında məsuliyyət və borcudur. Çünki, İslam dini dinc, günahsız insanların, məsum körpələrin qətlini ən ağır cinayət kimi qiymətləndirir.
Bakı şəhəri, 17 iyul 2020-ci il
ELVİN TALIŞINSKİ
"Elin Səsi" Milli-Mənəvi Dəyərlərimizin Qorunması İctimai Birliyinin sədri, siyasi elmlər üzrə fəlsəfə doktoru





Xəbər lenti

Təqvim

«    Oktyabr 2020    »
BeÇaÇCaCŞB
 1234
567891011
12131415161718
19202122232425
262728293031 

KATEQORIYALAR