Dünya

Tarixi gün: Ayasofyada 86 ildən sonra ilk dəfə namaz qılındı


İyulun 24-ü Bakı vaxtilə saat 14:16-da 86 il aradan sonra Ayasofyada ilk dəfə namaz qılınıb.
“Report” TRT-yə istinadən xəbər verir ki, mərasimdə on minlərlə dindarla birgə Türkiyə Prezidenti Rəcəb Tayyib Ərdoğan, onun koalisiya ortağı Devlet Bahçeli və digər ictimai-siyasi xadimlər iştirak ediblər.
Məscidin ətrafında namaz qılmaq üçün yerlər dolub.
Namazda iştirak edənlərin koronavirusa yoluxmaması üçün bütün tədbirlər görülüb, məsafə gözlənilir, hamı maska taxıb.
Tikildiyi tarixdən sonra 916 il kilsə, 1453-cü ildən 1934-cü ilədək (481 il) məscid, sonradan muzey olan Ayasofya yenidən məscid-muzey kimi fəaliyyət göstərəcək.
Türkiyə Nazirlər Kabinetinin 1934-cü il noyabrın 24-də verdiyi qərarı ilə Ayasofya məscid kimi fəaliyyətinin dayandırmış, muzey olaraq ziyarətçilərin üzünə açılmışdı.
İyulun 10-da Türkiyənin Dövlət Şurası (Danıştay) Ayasofyanın muzeyə çevrilməsi ilə bağlı ölkənin Nazirlər Kabinetinin 1934-cü ildə qəbul etdiyi qərarı ləğv edib. Eyni gün Türkiyə Prezidenti Rəcəb Tayyib Ərdoğan Ayasofyanın məscidə çevrilməsi haqqında fərman imzalayıb.
Məscidə İspartadan 20 ton gül suyu göndərilib.





Xəbər lenti

Təqvim

«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031

KATEQORIYALAR