Sumqayıtda hava

Manşet / Hadisə

Sumqayıtda zavodda yanğın nəticəsində 7 işçi xəsarət alıb


Bu gün SOCAR-ın “Azərikimya” İstehsalat Birliyinin Sumqayıtda yerləşən Etilen-Polietilen zavodunun ərazisində yanğın hadisəsi baş verib.
SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov “Report”a bildirib ki, hadisə istehsalat prosesi zamanı baş verməyib.
“Hazırda burada planlaşdırılmış illik texniki baxış işləri ilə əlaqədar istehsalat dayandırılıb. Zavodun modernizasiya və yenidənqurma işlərinin isə son mərhələsi həyata keçirilir. Modernizasiya və yenidənqurma işlərini həyata keçirən podratçı şirkətlərin işləri zamanı qısa alışma baş verib və tez bir zamanda söndürülüb”,- o qeyd edib.
Onun sözlərinə görə, hadisə zamanı bir neçə əməkdaş xəsarət olub: “Onların vəziyyəti orta ağırdır və xəstəxanaya aparılıb”.
Sumqayıt şəhər Təcili Tibbi Yardım Xəstəxanasının Travmatologiya şöbəsinin həkimi Vaqif Yusifovun verdiyi məlumata görə, yanğınla bağlı zədə məntəqəsinə 7 xəstə müraciət edib:
“Onlardan biri yüngül xəsarət aldığından ilkin yardım göstərilərək evə göndərilib. Digər 6 xəstə travma şöbəsinə yerləşdirilib, onlara ilkin yardım göstərilib, daha sonra Təcili Tibbi Yardım Stansiyasının briqadasının müşaiyəti ilə  Bakı Şəhər Yanıq Mərkəzinə göndərilib. Onların vəziyyəti orta ağırdır”, - həkim qeyd edib.





Xəbər lenti

Təqvim

«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 

KATEQORIYALAR