Sumqayıtda hava

Redaktorun Seçimi / Xidmət

Sumqayıtda yeni yanacaqdoldurma məntəqəsi istifadəyə verildi


Sumqayıt şəhəri, 10-cu mikrorayon, Babək küçəsi 208 ünvanında "SOCAR” brendi altında yeni yanacaqdoldurma məntəqəsi istifadəyə verilib.
“Report”un məlumatına görə, bununla da respublikamızda “SOCAR” brendi altında fəaliyyət göstərən YDM-lərin sayı 36-a çatdırılıb.
Sumqayıt şəhəri daxil olmaqla Saray qəsəbəsi və Sumqayıt-Novxanı istiqamətinə hərəkət edən avtonəqliyyat vasitəsi sahibləri üçün bu YDM daha əlverişlidir. Məntəqədə 5 yanacaqpaylayıcı kalonka quraşdırılıb. Bu yanacaqdoldurma məntəqəsində “SUPER”, “Premium”, “A-92” markalı benzin və “Dizel” tipli yanacaq məhsullarının satışı reallaşdırılacaq. Bununla da 8 kiçik avtonəqliyyat vasitəsi və iki iritutumlu yük maşınının eyni anda yanacaqla təmin edilməsi üçün şərait yaradılıb.
“SOCAR Petroleum” QSC-nin 36 YDM şəbəkəsi və 11 neft terminal bazası fəaliyyət göstərir. Respublikada yeganə sıxılmış təbii qaz (CNG) terminalı və CNG şəbəkəsi olan QSC, ekoloji baxımdan təmiz olan CNG yanacağının tətbiqində liderdir. “SOCAR” brendi ilə fəaliyyət göstərən YDM-lərdə hər bir müştəri üçün yanacağın həcm dəqiqliyini yoxlamaq imkanı və digər üstünlüklər vardır.





Xəbər lenti

Təqvim

«    Noyabr 2020    »
BeÇaÇCaCŞB
 1
2345678
9101112131415
16171819202122
23242526272829
30 

KATEQORIYALAR