Ermənistan xəbərləri

"Yeni Sumqayıt" erməni mətbuatına istinadla Ermənistandakı mövcud sosial-iqtisadi vəziyyəti əks etdirən bir neçə xəbəri təqdim edir:

Ölkənin Statistika Xidmətinin məsul şəxsi Qarina Quyumçuyan keçirdiyi mətbuat konfransında 2015-ci ilin əvvəlində ölkə əhalisinin sayının 2014-cü ilin əvvəlinə nisbətən daha 6500 nəfər azalaraq 3.018.100 nəfərdən 3.010.600 nəfərə düşdüyünü bəyan edib.

Statistika Xidmətinin digər məlumatına görə 2014-cü ildə Ermənistanın dövlət borcu 4.441.524.000 ABŞ dolları səviyyəsində olub. 2014-cü ilin sonunda dövlət borcları daha 26.847.000 ABŞ Dolları miqdarında, Ermənistanın xarici borcu isə 81 milyon dollar miqdarında artıb.

"Haykakan Jamanak" yazır:
"2014-cü ildə büdcə qanunu ilə toplanması planlaşdırılan 1 trilyon 97 milyard dram büdcə gəlirləri əvəzində 1 trilyon 64 milyard dram gəlir toplanmışdır. Yenə, Statistika Xidmətinin verdiyi rəsmi məlumata görə vergi gəlirləri 33 milyard yaxud təxminən 3 % civarında daha az toplanmış, hökumət isə xərc proqnozlarını 18 milyard dram miqdarında az həyata keçirmişdir.