Cəmiyyət

Sumqayıtda şəhid ailələrinə sovqatlar çatdırılıb


Azərbaycan Türkiyə İş Adamları və Sənayeçilər Birliyinin dəstəyi ilə “Tək Millət, Tək Ürək” beynəlxalq-humanitar qardaşlıq layihəsi çərçivəsində Sumqayıtdakı şəhid ailələrinə sovqatların çatdırılmasına başlanılıb.
TÜİB-dən verilən məlumata görə, 43 saylı Sumqayıt şəhər 3-cü seçki dairəsinin deputatı Emin Hacıyevin təşkilatçılığı ilə dairəni əhatə edən şəhid ailələrinə sovqatların çatdırılması üçün Sumqayıta səfər edən qonaqları deputat Emin Hacıyev və Sumqayıt Şəhər İcra Hakimiyyəti başçısının 1-ci müavini Teymur Səmədov qarşılayıblar.
Emin Hacıyev layihənin həyata keçirilməsinə dəstəyini əsirgəməyən Türkiyənin Azərbaycandakı səfiri Erkan Özorala, TÜİB sədri Hüseyin Büyükfırata, Milli Məclisin deputatı Ramil Həsənə, qardaş Türkiyə Respublikasının dövlət və hökumət adamlarına, layihənin həyata keçirilməsində xidmətləri olan hər kəsə dərin minnətdarlığını bildirib.
Sonra şəhidlərin ailə üzvlərinə baş çəkilib, sovqatlar çatdırılıb.
Deputat görüş zamanı şəhid ailə üzvlərinin qayğı və problemləri ilə maraqlanıb, müraciətlərinin həll olunacağını bildirib. Şəhidlərimizə Allahdan rəhmət dilənib.





Xəbər lenti

Təqvim

«    Aprel 2021    »
BeÇaÇCaCŞB
 1234
567891011
12131415161718
19202122232425
2627282930 

KATEQORIYALAR