Siyasət

Ramiz Hüseynov: YAP yeni inkişaf mərhələsinə qədəm qoyur


Yeni Azərbaycan Partiyasının 5 mart tarixində keçirilən VII Qurultayı sonuncu qurultaydan keçən 3 il müddətində ölkəmizdə gedən çoxşaxəli islahatlarla yeni bir tarixi mərhələyə qədəm qoyan dövlətçiliyimiz üçün yeni yaranmış reallıq kontekstində çox vaxtında həyata keçirilən ictimai-siyasi hadisədir. Yaranmış yeni reallığı şərtləndirən başlıca amil dövlətimizin başçısının ümummili liderimiz Heydər Əliyevin ideyalarını daha da inkişaf etdirərək həyata keçirdiyi uğurlu daxili və xarici siyasət nəticəsində Azərbaycanı müstəqil dövlət kimi daha da gücləndirib, regionda aparıcı və dünya miqsyasında söz sahibi olan dövlətə çevirməklə, iqtisadi sahədə qazandığımız uğurları çox böyük məharətlə ərazi bütövlüyümüzün bərpasına yönəltməyi və 44 günlük Vətən müharibəsində əldə etdiyimiz Şanlı qələbəmiz oldu.
Yeni yaranmış reallıq YAP-ın fəaliyyətinin tənzimlənməsinin çevik idarəetmə mexanizminin yaradılmasını aktual etdi. Yaradıldığı vaxtdan ötən 29 il ərzində YAP Proqram və Nizamnaməsinə uyğun olaraq dövlət müstəqilliyimizin qorunması və möhkəmləndirilməsi, onun müasir beynəlxalq sistemdə layiqli yer tutması, ölkəmizdə hüquqi dövlət quruculuğu istiqamətində gördüyü işlərlə aparıcı ideoloji qurum olmuşdur.
Azərbaycanın son 17 il ərzində imza atdığı tarixi uğurlar gənc ölkəmizin ehtimal olunan Vətən müharibəsi üçün hazırlıq dövrü olmuşdur. Prezident İlham Əliyevin təbirincə desək “Bütün bu illər ərzində bir amalla yaşamışıq: ərazi bütövlüyümüzün bərpa edilməsi, düşmənlərin torpaqlarımızdan qovulması.”
Heç təsadüfi deyil ki, bu amal uğrunda tərbiyə olunan gənc nəslin Vətənə sevgi hissləri torpaqlarımızı yağı düşməndən azad edən, “Biz yeni dövrə qədəm qoyduq. Bölgədə və ölkəmizdə tamamilə yeni geosiyasi vəziyyətdir. Ona görə biz bütün addımlarımızı düzgün atmalıyıq ki, daim qələbə qazanaq. Daim Azərbaycan bayrağı yüksəklərdə olsun” – deyən Müzəffər Ali Baş Komandanın qəhrəmanlıqlar göstərərək tarixi ədaləti bərpa edən, qürurumuz olan Şanlı qələbəmizi qazanan Müzəffər Ordusuna çevrildi.
Azərbaycanın yeni dövrə qədəm qoyduğu bir zamanda Qarabağın bərpası ilə bağlı məsələlər planlara müxtəlif korrektələr etməkdədir. Xüsusilə Vətən müharibəsinin əvvəlində başlamış siyasi dialoq qısa müddət ərzində yaxşı nəticələr vermişdir. Özünü siyasi qurum adlandıran antimilli şura istisna olmaqla, bütün partiyalar, bütün siyasi qüvvələr dialoqa meyl göstərmiş və dialoq baş tutmuşdur. Əlbəttə, Qarabağ məsələsi, siyasi partiyaların fəaliyyəti, demokratiyanın inkişafı, iqtisadi azadlıqların bərqərar olması, ölkəmizin güclənməsi kimi ümummilli məsələlərdə heç bir fərqli fikir ola bilməz.
Siyasi dialoqun davamında maraqlı olduğunu, ölkəmizin gələcək siyasi sisteminin təkmilləşməsi üçün bunun böyük əhəmiyyəti olduğunu vurğulayan dövlət başçısının partiyanın qurultayındakı proqram xarakterli çıxışı YAP-ın qarşısında sahib olduğu resurslardan, ictimai-siyasi nüfuzundan istifadə edərək Azərbaycanın gələcəyə naminə milli birliyin əldə olunmasına xidmət edən siyasi dialoqun daha da dərinləşdirilməsini vəzifə kimi qoyur. Artıq hər kəsə məlum olduğu kimi, partiyanın VII Qurultayında 6 siyası partiyanın YAP-a qoşulması respublikada yaranmış yeni reallıq fonunda milli həmrəyliyin də yeni inkişaf mərhələsinin başlamasının bariz nümunəsidir.
VII qurultay göstərdi ki, yaradıldığı vaxtdan keçən 29 il ərzində siyasi proseslərin önündə gedən hakim partiya 30 illik yubileyinə daha fəal, yeniləşmiş formatda qədəm qoyur. Partiyada birinci müavin postunun təsis olunması, Respublikanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın birinci müavin postuna gətirilməsi, İdarə Heyətinin genişləndirilməsi, QHT sektorunda, ictimai-siyasi və mədəni mühitdə formalaşmış yeni adların İdarə Heyətində yer alması, yeni nəsil tanınan və tanınmayan siyasətçilərin rəhbərliyə gətirilməsi, köhnə və yeni nəsil siyasətçilər arasında balansı qoruyaraq Veteranlar Şurasının yaradılması partiyanın qarşısında qoyulan məsuliyyətli vəzifələrin öhdəsindən layiqincə gələcəyini göstərir.
Ramiz Hüseynov,
YAP Sumqayıt şəhər təşkilatının sədri





Xəbər lenti

Təqvim

«    Aprel 2021    »
BeÇaÇCaCŞB
 1234
567891011
12131415161718
19202122232425
2627282930 

KATEQORIYALAR