Cəmiyyət

Azərbaycanda "Sağlamlıq ayı"na start verilib

Azərbaycanda "Sağlamlıq ayı"na start verilib


Fevralın 1-dən Səhiyyə Nazirliyi tərəfindən “Sağlamlıq ayı” elan olunaraq, əhalinin icbari tibbi dispanzerizasiyasına start verilib.

Əhalinin sağlamlığının qorunması, xəstəliklərn erkən aşkarlanması, müalicəsi, profilaktikası, fəsadlarla mübarizə sahəsində keyfiyyət standartlarının çatdırılması məqsədi ilə artıq ənənəvi olaraq ölkəmizdə Sağlamlıq aylığı həyata keçirilir.

Səhiyyə nazirinin müavini N.Əliyeva “Azərbaycan Respublikası əhalisinin tibbi müayinələrdən keçirilməsi barədə” Sərəncam imzalayıb. Sənəddə Azərbaycan Respublikası Prezidentinin tapşırığını rəhbər tutaraq 2015-ci il fevralın 1-dən martın 31-dək ölkə əhalisinin tibbi müayinələrdən keçirilməsi TYTŞ-ə tapşırılır. Respublikanın şəhər və rayonlarının tibb idarə və müəssisələrinin rəhbərlərinə əhalinin tibbi müayinələrdən keçirilməsinin icrasını şəxsi nəzarətə götürülməsi, görülmüş işlər barədə məlumatların vaxtaşırı Nazirliyə təqdim edilməsi barədə tapşırıqlar da Sərəncamda öz əksini tapır.

Bu münasibətlə Səhiyyə Nazirliyində geniş toplantı keçiriib. İclasda aylığın əhalinin sağlamlığı istiqamətindəki əhəmiyyətindən, 2014-cü ilin dekabr ayında keçirilən aylıq çərçivəsində respublika üzrə 5.240.000-ə yaxın əhalinin tibbi müayinələrdən keçməsindən bəhs edilib.

Ümumilikdə müayinələrdən keçmiş əhali arasında 10 %-ə yaxın xəstə aşkarlanmış, onlar müayinələrə cəlb olunmuş, digərləri isə dispanser qeydiyyata götürülmüşdür.

Aylıq çərçivəsində Səhiyyə Nazirliyi, ötən ildə olduğu kimi, ölkənin müxtəlif bölgələrinə, tələbat olduğu halda tibbi heyətin göndərilməsini də planlaşdırir.

Səhiyyə Nazirliyi Mətbuat Xidmətinin Məlumatı





Xəbər lenti

Təqvim

«    Aprel 2021    »
BeÇaÇCaCŞB
 1234
567891011
12131415161718
19202122232425
2627282930 

KATEQORIYALAR