Cəmiyyət

Gənclərin vətənpərvərlik ruhunda tərbiyəsinə həsr olunmuş tədbir keçirilib


Sumqayıt şəhərində “Beynəlxalq Ailə Günü” ilə bağlı silsilə tədbirlər həyata keçirilir.
Heydər Əliyev Mərkəzində keçirilən növbəti tədbir gənc nəslin vətənpərvər ruhda tərbiyyə olunmasına həsr olunub.
Tədbirdə Sumqayıt şəhər İcra Hakimiyyəti başçısının müavini Ülviyyə Müzəffərova, şəhər Veteranlar Şurasının sədri Sovet Şükürov, Gənclər və idman baş idarəsinin rəisi Elgün Hümbətov, YAP Sumqayıt şəhər təşkilatının gənclərlə iş üzrə sədr muavini Elmar Xəlilov, Heydər Əliyev Mərkəzinin direktoru Vüsalə Qurbanova, Təhsil Şöbəsinin nümayəndəsi Gülbahar Haqverdiyeva iştirak edib.
Vurğulanıb ki, Ümummilli Liderimiz üçün Vətəni müdafiə və gənclərin vətənpərvərlik ruhunda tərbiyə məsələləri hər zaman ön planda olub. Ötən dövr ərzində ölkəmizdə gənclərin vətənpərvərlik ruhunda tərbiyəsi başlıca vəzifəyə çevrilib.
Uğurla həyata keçirilən məqsədyönlü siyasətin nəticəsidir ki, bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşıb.
Qeyd olunub ki, Azərbaycan Ordusunun şanlı qələbəsi ilə yekunlaşan 44 günlük Vətən müharibəsi Azərbaycan xalqının, xüsusən Azərbaycan gəncliyinin milli vətənpərvərlik ruhunun yüksək olduğunu, millətimizin Vətən, dövlət, dövlətçilik sevgisini bir daha nümayiş etdirdi.
Hərbçilərimizin, əsgərlərimizin son damla qanınadək döyüşərək şəhidliyə yüksəlmələri bir daha sübut etdi ki, gənclərimizin vətənpərvərlik hissi yüksəkdir. Xalqımıza o böyük zəfər sevincini yaşadan da məhz vətənpərvər Azərbaycan gəncləri oldu.
Qeyd olunub ki, Ali Baş Komandan, Prezident İlham Əliyevin və Birinci vitse-prezident Mehriban xanım Əliyevanın işğaldan azad olunmuş ərazilərə səfərləri əsl vətənpərvərlik örnəyidir.
Çıxış edənlər vurğulayıb ki, bundan sonra da gənclərimizin vətənpərvər ruhda tərbiyyə olunması üçün məqsədyönlü işlər həyata keçirilməlidir.





Xəbər lenti

Təqvim

«    İyun 2021    »
BeÇaÇCaCŞB
 123456
78910111213
14151617181920
21222324252627
282930 

KATEQORIYALAR